Навоий шаҳар Мактабгача таълими бўлими раҳбарияти ва масъул ходимлари вазифалари ва функциялари

 Шаҳар мактабгача таълим бўлими юристконсулти Турсунова Холида Арзиқуловнанинг хизмат йўриқномаси

I Умумий қоидалар

1. МТБ юрисконсульти хизмат фаолияти давомида бевосита МТБ мудирига бўйсунади.

Юрисконсульт ўз фаолиятини Ўзбекистон Республикаси конституцияси, қонунлари, Ўзбекистон Республикаси Президенти фармон, фармойишлари ва қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари ҳамда давлат органлари ва ташкилотларнинг юридик хизмати тўғрисидаги низомга ва Ўзбекистон Республикаси Мактабгача таълим вазирлигининг тегишли буйруқларига амал қилган ҳолда олиб боради.

2. Лавозим вазифалари ва функциялари:

а) Бўлим Ҳайъати, ишлаб чиқариш йиғилишларида иштирок этиш, бўлимга тегишли масалалар, тизимда норматив-ҳуқуқий хужжатларнинг ижросини таъминланиши, уларда белгиланган талабларга қатъий риоя этилиши, ҳуқуқий ахборотдан фойдаланиш бўйича маълумотлар тайёрлаш ва муҳокамага киритиш;

б) Мактабгача таълим муассасаларида ҳуқуқий ахборотдан фойдаланиш ва норматив ҳужжатлардан самарали фойдаланиш, мактабгача таълим тизимини ривожлантириш бўйича норматив-ҳуқуқий хужжатлар тайёрланишида вазирликка таклифлар киритиш юзасидан истиқбол ва жорий иш режаларини ишлаб чиқиш, уни бошқарманинг умумий иш режаси билан мувофиқлаштириш, бажарилишини таъминлаш;

в) шаҳар мактабгача таълим бўлимига тегишли бўлган юридик  хужжатлар (муассаса Устави, ишчи –ходимлар билан тузилган шартномалар, ота-оналар ва уларни ўрнини босувчи шахслар билан тузиладиган шартномалар, корхона ва таълим муассасаси ўртасида тузиладиган турли  шартномалар, зарурат туғилганда нотариал гувоҳномасини олиш ёки давлат рўйҳатидан ўтказиш) лойиҳасини текшириш ва таклифлар киритиш;

г) ҳуқуқий масалалар  бўйича бўлим ходимларига маслаҳат ва тавсиялар бериш;

д) мактабгача таълим  бўлими ходимлари, мактабгача таълим муассасасининг барча ходимлари,  ота-оналари ва уларнинг фарзандларинг ҳуқуқларини қонун доирасида ҳимоя қилиш;

е) мактабгача таълим муассасаларининг турли масалалари бўйича хўжалик ва ўртоқлик судларида қонуний вакил  сифатида уларнинг қизиқишларини ҳимоя қилиш;

ё) ўз соҳасига тегишли бўлган хужжатларни ёзма ёки электрон кўринишда шакллантириш  ва амалга оширилган ишлар юзасидан ҳисобот тайёрлаш;

ж) мактабгача таълим муассаса раҳбар ходимларининг ҳуқуқий саводини ошириш бўйича ташвиқот ишларини олиб бориш;

з) мактабгача таълим бўлимининг ҳуқуқий асосини аниқлаш, унинг  Низомини кўриб чиқиш;

и) имзо учун раҳбарга киритилаётган барча ҳужжатлар лойиҳасини (буйруқлар, кўрсатмалар, Низомлар) кўриб чиқиш;

й) мактабгача таълим бўлими ходимлари ва мактабгача таълим муассаса ходимларини  ишдан бўшатиш, бошқа вазифага ўтказиш ва интизомий жазо берилишининг қонунийлигини текшириш;

к) ходимларга нибатан раҳбар ходимлар томонидан нотўғри маъмурий жазо қўлланилганда раҳбарларнинг ушбу ҳаракатлари устидан давлат хуқуқий ташкилотларига шикоятлар тайёрлаш ва жўнатиш;

л) хизмат вазифасига таалуқли бўлган хатларнинг ижросини таъминлаш, фуқаролардан тушган мурожаатлар билан ишлаш, уларни қабул қилиш ҳамда муаммоларни ҳал этиш чораларини кўриш;

3. Юрисконсультнинг жавобгарлиги:
4. юрисконсульт ўзи виза қўйган хужжатларнинг ва хулосаларнинг қонунчиликга мувофиқлиги учун жавоб беради:
5. Юрисконсульт ўз вазифаларини ва мажбуриятларини бажармаганлиги ёки лозим даражада бажармаганлиги учун қонун хужжатларига мувофиқ интизомий жавобгарликка тортилади.
6. Ушбу мансаб йўриқномасига қонун хужжатларига мувофиқ қўшимча ва ўзгартиришлар киритилиши мумкин.

Шаҳар мактабгача таълим бўлими кадрлар бўлими  мутахассиси Тошпўлатов Достонбек Азамат ўғлининг хизмат йўриқномаси

I Умумий қоидалар

      1. Кадрлар билан ишлаш мутахассиси Ўзбекистон Республикаси Қонунлари, Ўзбекистон Республикаси Президенти фармон, фармойишлари ва қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари ва буйруқлари асосида иш олиб боради ҳамда ўз хизмат вазифасидан келиб чиқган ҳолда бўлим мудири томонидан ўзига юклатилган топшириқлар ижросини тўлиқ бажаради

1. Лавозим вазифалари ва функциялари:

а) Бўлим Ҳайъати, ишлаб чиқариш йиғилишларида иштирок этиш, бўлимга тегишли масалалар, тизимда меҳнат қонунчилиги асосида амалга оширилаётган ишлар, ходимлар  томонидан ҳуқуқий ахборотдан фойдаланиш ҳамда кадрлар салоҳиятини ошириш, уларни қайта тайёрлаш ва малакасини ошириш бўйича маълумотлар тайёрлаш ва муҳокамага киритиш;

б) мактабгача таълим бўлими, таълим муассасаларида кадрлар билан ишлаш аҳволи ҳақида бўлимнинг Ҳайъат кенгаши, ишлаб чиқариш, аппарат йиғилишларига таҳлилий маълумотлар, буйруқлар ва меъёрий хужжатлар, билдиришномалар тайёрлаш;

в) мактабгача таълим муассасаларида ҳуқуқий ахборотдан фойдаланиш ва меҳнатни муҳофаза қилишга оид норматив ҳуқуқий ҳужжатлардан самарали фойдаланиш, тизимдаги ходимларни меҳнат қонунчилиги асосида фаолият кўрсатиши, уларнинг касбий салоҳиятини ошириш, қайта тайёрлаш ва малакасини ошириш, аттестациядан ўтказиш юзасидан истиқбол ва жорий иш режаларини ишлаб чиқиш, уни бўлимнинг умумий иш режаси билан мувофиқлаштириш, ўз вақтида бажарилишини таъминлаш;

г) мактабгача таълим бўлими тасарруфидаги мактабгача таълим муассасаларининг  кадрларга бўлган эҳтиёжини аниқлаш борасидаги ишларни  таъминлаш ва статистика бошқармасига ОПС-1 ҳисоботини “Аҳолини  бандликка кўмаклашувчи маркази”га ҳисобот  топшириш;

д) бошқарма тасарруфидаги бошқарув лавозимлари рўйҳатига олинган раҳбар  кадрларни танлаш, ўрганиш, истиқболли ва амалдаги кадрлар заҳирасини  шакллантириш масалаларини амалга ошириш;

е) раҳбар кадрларни танлаш ва жой-жойига қўйишга оид ишларни  мувофиқлаштириш, бошқарма ва вазирликнинг ҳисоб-ҳисобот назорат номенклатурасида бўлган лавозимларга номзодларни киритиш бўйича бошқарма бошлиғига таклифлар киритиш;

ё) бўлим тасарруфидаги мактабгача таълим муассасаларини олий маълумотли  педагоглар билан таъминлаш мақсадида олий таълим муассасаси битирувчиларини таълим массасаларига  жалб қилиш, ўрта махсус маълумотли педагогларни  махсус сиртқи ва сиртқи бўлимларда ўқиш учун олий таълим муассасаларига йўналтириш ишларини  амалга ошириш;

ж) бўлим тасарруфидаги мактабгача таълим муассаса педагог ходимларининг сони ва таркиби бўйича ҳисоботларни йиғиш, умумлаштириш ва вазирлик ҳамда  статистика ташкилотларига тақдим этиш;

з) мактабгача таълим тизимида фаолият кўрсатаётган ходимлар малакасини ошириш истиқбол режаларини белгилаш, йиллик режа асосида малака оширишга юборилишини назорат қилиш;

и) мактабгача таълим тизимида фаолият кўрсатаётган номутахассис кадрларни аниқлаш уларни қайта тайёрлаш курсларидан ўтказилишини таъминлаш;

й) мактабгача таълим бўлими, таълим муассасаларидаги педагогик кадрлар қўнимсизлиги бўйича маълумотларни йиғиш, ўрганиш ва бартараф этиш бўйича чора-тадбирлар белгилаш;

к) ёш мутахассисларни  ҳисобга олиш, уларни келажакда иш билан таъминлаш мақсадида мактабгача таълим муассасаларига йўналтириш ва ишга қабул қилинишини назорат қилиш, улар билан ишлаш;

л) тизимдаги илғор иш тажрибага эга бўлган фаол ходимларни моддий рағбатлантириш юзасидан бўлим мудирига таклифлар киритиш;

м) Ўзбекистон Республикасининг Давлат мукофотлари ва вазирликнинг тармоқ  мукофотлари билан тақдирлаш ҳужжатларини тайёрлаш ҳамда ўрнатилган тартиб асосида маҳаллий ҳокимият тавсиясига кўра Мактабгача таълим бошқармасига тақдим этишни таъминлаш;

н) мукофотлар ҳисобини олиб бориш ва мукофотларни белгиланган тартибда топширилишини таъминлаш;

о) жойларда меҳнат қонунчилиги  бўйича мактабгача таълим муассаса раҳбарлари билан маслаҳат, ўқув-семинар машғулотларини  ўтказиш;

п) мактабгача таълим бўлими номенклатурасига кирувчи хужжатлар йиғма жилдларининг  юритилишини назорат қилиш;

р) мактабгача таълим бўлими ва мактабгача таълим муассасаси тегишли ходимларининг шахсий таркиби бўйича буйруқларни тайёрлаш ва уларнинг белгиланган тартибда  сақланишини  таъминлаш;

с) раҳбар ходимлар заҳирасини тайёрлаш ва уларни раҳбарликка тайёрлаш масаласида чора-тадбирлар белгилаш;

т) мактабгача таълим бўлими  ходимлари ва  мактабгача таълим муассаса раҳбар ҳамда педагог ходимларини аттестациядан ўтказилишида зарур хужжатларни тайёрлаш;

у) бўлимга келган хат ва ҳужжатлар билан ишлаш, фуқаролардан келган ариза, шикоят, мурожаат ва таклифлар устида ишлаш, фуқароларни қабул қилиш ҳамда улар томонидан кўтарилган масалаларни ўрнатилган тартибда ҳал этиш чораларини кўриш.

Қаршиева Шахноза Турақуловна — Таълим-тарбия сифатини таъминлаш ва методик хизматни ташкил этиш шўъбаси мудирининг хизмат вазифалари

I Умумий қоидалар

      1. Таълим-тарбия сифатини таъминлаш ва методик хизматни ташкил этиш шўъбаси мудири Ўзбекистон Республикаси Қонунлари, Ўзбекистон Республикаси Президенти фармон, фармойишлари ва қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари ва буйруқлари ҳамда касаба уюшмалари “ходимлар вакиллик органларининг ҳуқуқларини белгилаб берувчи норматив хужжатлар асосида иш олиб боради ҳамда ўз хизмат вазифасидан келиб чиқган ҳолда бўлим мудири томонидан ўзига юклатилган топшириқлар ижросини тўлиқ бажаради;

2. Лавозим вазифалари ва функциялари:

а) Бўлим ҳайъати, ишлаб чиқариш йиғилишларида иштирок этиш, бўлимга тегишли масалалар бўйича маълумотлар тайёрлашда иштирок этишда таклифлар бериш;

б) мактабгача таълим бўлими тасарруфидаги мактабгача таълим муассасаларида таълим-тарбия сифатини таъминлаш ва узлуксиз методик хизмат кўрсатиш;

в) болаларни ҳар томонлама интеллектуал, маънавий-эстетик ва жисмоний ривожлантирувчи замонавий таълим дастурлари ва технологияларини таълим-тарбия жараёнига жорий этиш, уларни мактабга тайёргарлик даражасини тубдан ошириш ҳамда мактабгача таълим соҳасига оид норматив-ҳужжатларни амалиётга татбиқ этиш юзасидан методик ёрдам кўрсатиш;

г) Боланинг индивидуал эҳтиёжларини ҳисобга олган ҳолда “Илк ва мактабгача ёшдаги болаларнинг ривожланишига қўйиладиган Давлат талаблари” ҳамда  “Илк  қадам” давлат ўқув дастури ва вариатив (муқобил) дастурлари, ўқув-услубий қўлланмаларини амалиётга татбиқ этилишини назорат қилиш;

д) Мактабгача таълим муассасаларида таълим-тарбия жараёнида илк ва мактабгача ёшдаги болалар ривожланишига қўйиладиган давлат талабларига мувофиқ болаларда умумий асосий компетенциялар ва ривожланиш соҳалари компетенцияларини шакллантириш учун тегишли шароитлар яратиш;

е) мактабгача таълим муассасаларида олиб борилаётган таълим-тарбия жараёнини ўрганиш натижалари асосида таълим муассасалари фаолиятини такомиллаштириш бўйича тавсиялар тайёрлашда иштирок этиш;

ё) таълим-тарбия жараёни сифатли деб топилган мактабгача таълим муассасалари базасида ўзаро тажриба алмашиш мақсадида таянч мактабгача таълим муассасаларини ташкил этиш, янги педагогик, ахборот-коммуникацион ва бошқа технологияларни жорий этиш масалалари бўйича учрашувлар, семинарлар, конференциялар ташкил этишда иштирок этиш;

ж) таянч мактабгача таълим муассасаларинингфаолиятини ташкил этишда таълим -тарбия жараёнига методик хизмат кўрсатиш;

з) мамлакатимиз ва жаҳонда мактабгача таълим тизимини ривожлантириш бўйича олиб борилаётган ислоҳотларнинг мазмун-моҳиятини педагоглар, ота-оналар ҳамда тарбияланувчилар онгига етказишни назарда тутадиган давра суҳбатлари, семинарлар ташкил этишда иштирок этиш;

и) мактабгача таълим муассасаларини болалар ёш хусусиятларини инобатга олган ҳолда ўйин ва ўйинчоқлар, дидактик материаллар, спорт жиҳозлари билан жиҳозланганлик ҳолати бўйича эҳтиёжни ўрганиш;

й) мактабгача таълим тизимидаги педагог ва раҳбар ходимлар ўртасида замонавий педагогик ва ахборот технологиялари, хорижий мамлакатларнинг илғор тажрибасидан фойдаланадиган ва амалиётга татбиқ этадиган илғор иш тажрибаларни ўрганишда иштирок этиш;

к) мактабгача таълим тизимида педагогик ва психологик усулларни  таълим-тарбия жараёнига жорий этишнинг истиқболли режаларини ишлаб чиқиш ҳамда конференция, амалий семинарлар, видеоконференция ва видеосеминарлар ўтказишда иштирок этиш;

л) мактабгача таълим тизимида таълим-тарбия жараёнига янги педагогик ва психологик усуллар билан ўқитишнинг илғор шакл ва усулларини ўйинлар орқали жорий этилишини мувофиқлаштириш;

м) таълим бериш тилидан келиб чиқиб, педагогларнинг ўқув методик қўлланмаларга бўлган эҳтиёжларини ўрганиш ва уларга буюртмаларни шакллантириш;

н) мактабгача таълим муассасаларида педагогларнинг касбий салоҳиятини ошириш мақсадида, таълим сифатини ошириш юзасидан педагоглар,  ота-оналар фикрларини инобатга олган ҳолда меодик тавсиялар тайёрлаш ва туман(шаҳар)бўлимларга етказилишини таъминлаш;

о) Мактабгача таълим тизимига доир болалар бадиий адабиётлари, методик адабиётлар билан таъминлаш бўйича таклифлар тайёрлаб, раҳбариятга буюртманомалар киритиш;

п) вазирликнинг тегишли бошқарма ва бўлимлари билан ўзаро ҳамкорлик ишларини амалга ошириш;

р) бўлим фаолияти бўйича таҳлилий маълумотлар ва ҳисоботларни тайёрлаш, МТМлардан бўлим йўналишига оид маълумотларни йиғиш, умумлаштириш ва раҳбариятга тақдим этиш;

с) мактабгача таълим муассасаларидасанитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилинишини назорат қилиш.

т) ўзига бириктирилган МТМларда  мактабгача таълим бўлимининг фаолиятини мувофиқлаштириб бориш;

у) мактабгача таълим бўлимида касаба уюшмаси раиси сифатида фаолият олиб боради ҳамда ходимларнинг меҳнат муносабатига оид ҳуқуқларини ҳимоя қилади.

 

Жўраева Дилнавоз Ибрагимовна – Давлат ва нодавлат Мактабгача таълим муассасалари фаолиятини ҳамда ўқитишнинг муқобил шаклларини ташкил этиш шўъбаси мудири:

I Умумий қоидалар

      1. Давлат ва нодавлат Мактабгача таълим муассасалари фаолиятини ҳамда ўқитишнинг муқобил шаклларини ташкил этиш шўъбаси мудири Ўзбекистон Республикаси Қонунлари, Ўзбекистон Республикаси Президенти фармон, фармойишлари ва қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари, буйруқлари, “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги фармонига мувофиқ бўлим ва бўлим тасарруфидаги МТМлар хотин-қизлар билан ишлаш тадбирлари ва бошқа ҳужжатлар ижросини таъминлаш мақсадида бўлим мудири томонидан ўзига юклатилган топшириқлар ижросини тўлиқ бажариш ва улар юзасидан тегишли таклифлар киритиш;

1. Лавозим вазифалари ва функциялари:

а) Бўлим ҳайъати, ишлаб чиқариш йиғилишларида иштирок этиш, ўзига бириктирилган МТМларнинг фаолиятини мувофиқлаштириб бориш;

б) ўз йўналиши бўйича бўлим фаолияти билан боғлиқ статистик маълумотларни йиғиш, умумлаштириш, Бошқарма бошлиғи ҳузуридаги ишлаб чиқариш мажлиси муҳокамасига киритиладиган масалалар юзасидан материаллар тайёрлаш;

в) мактабгача таълим муассасалари фаолиятини ташкил этишга доир меъёрий-ҳуқуқий ҳужжатларни жойларга етказиш ва назоратини олиб бориш;

г) бошқарманинг тегишли бўлинмаси билан фаолият узвийлигини таъминлаш;

д) ўз йўналиши бўйича МТМлар фаолиятини ўрганиш, уларнинг раҳбарларидан ўз хизмат вазифаларини бажариш учун керакли ҳужжат ва материалларни йиғиш ва уларни умумлаштириш;

е) ўз йўналиши бўйича махсус мактабгача таълим муассасалари фаолиятини ташкил этишга оид семинар-машғулотлар ташкил этиш;

ё) ўз йўналиши бўйича ҳужжатлар ижросини ва топшириқларнинг бажарилишини таъминлаш, ижро интизомини мустаҳкамлаш бўйича қатъий назоратни йўлга қўйиши;

ж) ўрнатилган тартибда санитария-гигиена талабларига, меҳнатни муҳофаза қилиш, техника ва ёнғин хавфсизлиги қоидаларига риоя қилишни таъминлаш.

з) “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги фармонига мувофиқ бўлим ва бўлим тасарруфидаги МТМлар хотин-қизлар билан ишлаш.

 Рахимжонов Шухрат Соатали ўғли — Давлат-хусусий шериклик шаклидаги мактабгача таълим муассасалари фаолиятини ташкил этиш шўъбаси.

I Умумий қоидалар

      1. Давлат-хусусий шериклик шаклидаги мактабгача таълим муассасалари фаолиятини ташкил этиш шўъбаси Ўзбекистон Республикаси Қонунлари, Ўзбекистон Республикаси Президенти фармон, фармойишлари ва қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари, буйруқлари, тадбирлари ва бошқа ҳужжатлар ижросини таъминлаш мақсадида бўлим бошлиғи томонидан ўзига юклатилган топшириқлар ижросини тўлиқ бажариш ва улар юзасидан тегишли таклифлар киритиш;

2. Лавозим вазифалари ва функциялари:

а) Бўлим ҳайъати, ишлаб чиқариш йиғилишларида иштирок этиш ва  давлат-хусусий шерикчилик асосидаги мактабгача таълим муассасаларини ташкил этиш юзасидан амалга оширилаётган ишлар бўйича маълумотлар тайёрлаш;

б) ўз йўналиши бўйича бўлим ва МТМлар фаолияти билан боғлиқ статистик маълумотларни йиғиш, умумлаштириш;

в) давлат-хусусий шерикчилик асосидаги ҳамда оилавий мактабгача таълим муассасалари фаолиятини ташкил этишга доир меъёрий-ҳуқуқий ҳужжатларни жойларга етказилишини таъминлаш;

г) бошқарманинг тегишли бўлинмаси билан фаолият узвийлигини таъминлаш;

д) чекка ҳудудларда мактабгача таълимга бўлган эҳтиёжни аниқлаш ва давлат-хусусий шерикчилик асосидаги  ҳамда оилавий мактабгача таълим муассасалари ташкил этиш истагини билдирган ташаббускорларнинг рўйҳатини шакллантириш;

е) давлат-хусусий шерикчилик асосидаги  ҳамда оилавий мактабгача таълим муассасалари фаолиятини ташкил этиш истагини билдирган ташаббускорлар билан ишлаш, ҳужжатларни тайёрлашда методик ёрдам кўрсатиш;

ё) оилавий мактабгача таълим муассасалари ташкил этиш истагини билдирган ташаббускорларга якка тартибдаги тадбиркорлик бўйича руҳсатномалар олишда ўрнатилган тартибда кўмаклашиш;

ж) давлат-хусусий шерикчилик асосидаги мактабгача таълим муассасалари фаолиятини ташкил этиш истагини билдирган ташаббускорларнинг шерикчиликнинг қайси тури бўйича муассаса ташкил этишлари бўйича таклифларини ўрганиш ҳамда маълумотларни умумлаштириш;

з) хусусий шерик томонидан давлат-хусусий шерикчилиги тўғрисидаги битимда назарда тутиладиган мажбуриятларни бажарилишини назорат қилиш;

и) давлат-хусусий шерикчилик асосидаги  ҳамда оилавий мактабгача таълим муассасалари фаолиятини битимдаги амал қилиш муддатига мувофиқ фаолият кўрсатишини назорат қилиш;

й) давлат-хусусий шерикчилик асосидаги  ҳамда оилавий мактабгача таълим муассасалари фаолиятини тўлиқ назорат қилиш ва таълим-тарбия жараёни ва методик фаолиятни ташкил этишда амалий методик ёрдам кўрсатиш;

к) давлат-хусусий шерикчилик асосидаги  ҳамда оилавий мактабгача таълим муассасаларини ривожлантиришга оид таълим-тарбия жараёнига илғор педагогик технологияларни жорий этиш ва таълим жараёнига татбиқ этиш борасида семинар, кўрик-танлов ва бошқа тадбирларни ташкил этиш, мактабгача таълим муассасалари фаолиятини тартибга солувчи меъёрий-ҳуқуқий ҳужжатлар лойиҳаларини ишлаб чиқишда иштирок этиш;

л) давлат-хусусий шерикчилик асосидаги  ҳамда оилавий мактабгача таълим муассасаларини мактабгача таълим тизимидаги норматив-ҳуқуқий хужжатлар ва Соғлиқни сақлаш вазирлиги томонидан тасдиқланган санитария қоидалари, меъёрлари ва гигиена нормалари асосида фаолият юритишини ўрганиб бориш;

м) давлат-хусусий шерикчилик асосидаги  ташкил этилган оилавий мактабгача таълим муассасаларини зарур мебель жиҳозларга бўлган эҳтиёжини аниқлаш ва улардан самарали фойдаланилишини назорат қилиш;

н) давлат-хусусий шерикчилик асосидаги  ҳамда оилавий мактабгача таълим муассасалари учун давлат бюджетидан ажратилган субсидиялардан самарали фойдаланилишини ўрганиб бориш;

о) ўз йўналиши бўйича бўлимга келган хужжатлар билан ишлаш, уларнинг ижросини муддатида бажариш ва назоратдан олинишини таъминлаш;

давлат-хусусий шерикчилик асосидаги  ҳамда оилавий мактабгача таълим муассасалари ташкил этиш истагини билдириб ва шу йўналиш бўйича қилинган мурожаат ва таклифларни ўрганиб чиқиш, фуқароларни қабул қилиш ва мурожаатларни ҳал этиш чораларини кўриш.

Жумаева Нигора Мухаммадиевна — Маънавий аҳлоқий тарбия, махсус мактабгача таълим муассасалари фаолиятини ташкил этиш ва реабилитация шўъбаси мудири

I Умумий қоидалар

     1. Жумаева Нигора Мухаммадиевна — Маънавий аҳлоқий тарбия, махсус мактабгача таълим муассасалари фаолиятини ташкил этиш ва реабилитация шўъбаси мудири Ўзбекистон Республикаси Қонунлари, Ўзбекистон Республикаси Президенти фармон, фармойишлари ва қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари, буйруқлари, тадбирлари ва бошқа ҳужжатлар ижросини таъминлаш мақсадида Бошқарма бошлиғи томонидан ўзига юклатилган топшириқлар ижросини тўлиқ бажариш ва улар юзасидан тегишли таклифлар киритади;

2. Лавозим вазифалари ва функциялари:

а) бўлим ҳайъати, ишлаб чиқариш йиғилишларида иштирок этиш, ўзига бириктирилган  мактабгача таълим муассасаларининг фаолиятини мувофиқлаштириб бориш;

б) Бўлимнинг йиллик иш режасини ишлаб чиқиш ҳамда амалга оширишда таълим-тарбия, маънавий-аҳлоқий ишларнинг  мактабгача таълим муассасаларида бажарилишини таъминлаш;

в) бўлим ходимларининг ҳуқуқий ахборотдан кенг кўламда фойдаланишини таъминлаш, ушбу соҳада ҳуқуқий тарғибот ва маърифатни амалга ошириш, бу борада оммавий ахборот воситалари билан самарали ҳамкорлик қилиш фаолиятини мувофиқлаштириш;

г) ҳуқуқий ахборотни ва ундан фойдаланиш тизимини йўлга қўйиш мақсадида мактабгача таълим тизимига оид муаммоли масалалар бўйича буклет, лифлет, флайер ва плакатлар шаклида тарқатмалар тайёрлаш ва бошқарма раҳбариятига тақдим этиш;

д) давлат, нодавлат мактабгача таълим муассасаларида  жисмоний, ақлий нуқсонларга эга бўлган  болаларга таълим –тарбия бериш, коррекцион ишларни ташкил этиш мақсадида махсус гуруҳлар, махсус мактабгача таълим муассасаларини ташкил этиш бўйича бошқарма раҳбариятига таклифлар киритиш;

е) ўз йўналиши бўйича бўлим ва МТМлар фаолияти билан боғлиқ статистик маълумотларни йиғиш, умумлаштириш, бўлим мудири ҳузуридаги ишлаб чиқариш мажлиси муҳокамасига киритиладиган масалалар юзасидан материаллар тайёрлаш ва муҳокамага киритиш;

ё) мактабгача таълим таълим тизимини ташкил этишга, болалар билан олиб бориладиган коррекцион ривожлантиришга доир меъёрий-ҳуқуқий ҳужжатларни жойларга етказиш ва амалиётга татбиқ этиш бўйича назоратини олиб бориш;

ж) болаларнинг алоҳида таълим эҳтиёжлари ва индивидуал имкониятларини инобатга олган ҳолда махсус мактабгача таълим муассасаларида зарур шарт-шароитларни яратиш юзасидан методик ёрдам ва кўрсатмалар бериш;

з) бошқарманинг тегишли бўлинмаси билан фаолият узвийлигини таъминлаш;

и) ўз йўналиши бўйича МТМларнинг фаолиятини ўрганиш, уларнинг раҳбарларидан ўз хизмат вазифаларини бажариш учун керакли ҳужжат ва материалларни йиғиш ва уларни умумлаштириш;

й) ўз йўналиши бўйича давлат ва нодавлат ташкилотлар билан ҳамкорликда мактабгача таълим муассасалари фаолиятини ташкил этишга оид семинар-машғулотлар ташкил этиш;

к) ўз йўналиши бўйича ҳужжатлар ижросини ва топшириқларнинг бажарилишини таъминлаш, ижро интизомини мустаҳкамлаш бўйича қатъий назоратни йўлга қўйиши;

л) шаҳар прокуратураси, ички ишлар, соғлиқни сақлаш, маданият ва спорт ишлари бошқармалари, маҳалла, Ёшлар иттифоқи, ёнғин ҳавфсизлиги бошқармалари билан мактабгача таълим соҳасини ривожлантириш юзасидан ҳамкорлик қилиш;

м) баркамол авлодни тарбиялашда “Оила-маҳалла-мактабгача таълим муассасаси” ҳамкорлигини янада ривожлантириш юзасидан ишларни туман(шаҳар)бўлимлари кесимида назорат қилиш;

н) оммавий ахборот воситаларида туман(шаҳар)мактабгача таълим бўлимлари ва муассасалари  фаолияти ва мақсадларини, тизимда амалга оширилаётган ислоҳотларни тарғиб қилиб бориш;

о) мактабгача таълим муассасаси умумий ота-оналар мажлисларида соғлом турмуш тарзи, маънавий баркамолликни тарғиб этишга қаратилган методик тавсияларни ишлаб чиқиш ва ҳудудларга етказиш;

п) ўз йўналиши бўйича шаҳар миқёсида кенг кўламда маънавий-аҳлоқий тарбия, спорт йўналишларида турли хил тарбиявий ишлар, кўрик-танлов, мусобақалар, семинар, суҳбат ва бошқа тадбирларни режалаштириш Низомларини ишлаб чиқиш ва  ўтказишини назорат қилиш;

р) бўлим мутахассисларига ёзги соғломлаштириш ойларида мактабгача таълим муассасаларида ташкил этиладиган барча тадбирларни ташкил этиш ва ўтказиш бўйича  методик ёрдам бериш;

с) мактабгача таълим муассаса педагоглари ва тарбияланувчилари учун театр, музей, тарихий обидаларга саёҳатлар ташкил этиш;

т) бўлим томонидан болаларни китобга қизиқишларини ошириш ва китобхонликни тарғиб қилиш мақсадида мактабгача таълим муассасаларида турли  шоир ва адиблар билан учрашувлар ташкил этилиши юзасидан методик тавсиялар бериш;

у) бўлим томонидан мактабгача таълим муассаса тарбияланувчи-ларининг бадиий ҳаваскорлик, ижодий кўргазмаларини ташкил этилиши бўйича чора-тадбирлар режасини ишлаб чиқиш;

Каримова Гулмира Албертовна — Жисмоний ва юридик шахсларнинг мурожаатлари билан ишлаш бўйича мутахассис

I Умумий қоидалар

     1. Жисмоний ва юридик шахсларнинг мурожаатлари билан ишлаш бўйича мутахассиси Ўзбекистон Республикаси қонунлари, Ўзбекистон Республикаси Президенти фармон, фармойишлари ва Қарорлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари, буйруқлари ҳамда жисмоний ва юридик шахсларнинг мурожаатларининг ижросини таъминлаш ва бошқа ҳужжатлар ижросини таъминлаш мақсадида бўлим мудири томонидан ўзига юклатилган топшириқлар ижросини тўлиқ бажаради ва улар юзасидан тегишли таклифлар киритади;

2. Лавозим вазифалари ва функциялари:

а) Бўлим Ҳайъати, ишлаб чиқариш йиғилишларида иштирок этиш, бўлимга тегишли масалалар бўйича маълумотлар лойиҳаси тайёрлаш ва муҳокамага киритиш;

б) Мактабгача таълим тизимида ижро интизомини мустаҳкамлаш ҳамда бўлим фаолиятини ташкил этиш юзасидан истиқбол ва жорий иш режаларини ишлаб чиқиш, уни бошқарманинг умумий иш режаси билан мувофиқлаштириш ҳамда бажарилишини таъминлаш;

в) Вазирлар Маҳкамасининг 1999 йил 12 январдаги “Ижро интизомини мустаҳкамлаш чора-тадбирларитўғрисида”ги 12-сон қарори, 2009 йил 28 августдаги “Вазирликлар, давлат қўмиталари, идоралар, хўжалик бирлашмалари, уларнинг таркибий, худудий бўлинмаларида хужжатлар билан ишлашни ташкил этиш ҳамда ижро интизомининг аҳволи мониторингини олиб бориш тўғрисида”ги 11-10-сонли Тартибига  мувофиқ туман мактабгача таълим бўлими ва тасарруфидаги мактабгача таълим муассасалари тизимида хужжатлар билан ишлашни ташкил этиш, ижро интизомини мониторингини олиб бориш ва уларнинг ижросини таъминлаш;

г) “Жисмоний ва юридик шахсларнинг мурожаатлари тўғрисида”ги Ўзбекистон Репсубликасининг ЎРҚ-445 Қонуни, Ўзбекистон Республикаси Вазирлар Маҳкамасининг 2018 йил 7 майдаги 341-сон қарори билан тасдиқланган “Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби  тўғрисидаги Низом” талабларига мувофиқ ҳолда ишни ташкил этиш;

д) бўлим ҳамда мактабгача таълим муассасалари томонидан ижро интизоми ҳамда жисмоний ва юридик шахслар оғзаки ва ёзма мурожаатларининг ҳал этилишини (ҳар кунлик), хафталик, ойлик таҳлилларини олиб бориш;

е) хужжатлар ва топшириқларнинг автоматлаштирилган назоратга қўйилиши, уларнинг бажарилишини  кузатиб бориш, огоҳлантирувчи назоратни, ижро интизомини якунлашини таъминловчи электрон иш юритиш ва хужжатлар айланиши ягона тизимининг маълумотлар базасини юритиш;

ё) бўлим ва унинг  тасарруфидаги мактабгача таълим муассасаларида хужжатлар билан ишлашни ташкил этиш ва ижро интизомини мустаҳкамлаш ҳолатини ўрганиш, уларнинг натижаларини таҳлил ва назорат қилиш масалаларида  методик ва амалий ёрдам бериш;

ж) юқори ташкилотлар, бошқарув органлари, идоралардан бўлимга келиб тушган хат-хужжатларни  қабул қилиш,  ўрнатилган тартибда рўйҳатдан ўтказиш ва назорат варақасини юритиш ижрони таъминлаш мақсадида бўлимнинг таркибий бўлимлари ҳамда  мактабгача таълим муассасаларига  етказиш ва ҳужжат ижроси таъминлангунга қадар назоратини олиб бориш;

з) бўлимга келиб тушган хат, ариза, мурожаатлар бўйича чорак, ярим йиллик таҳлилий маълумотларни тайёрлаш ва раҳбариятга тақдим этиш, бўлим йиғилишларида муҳокамага киритиш;

и) бўлим ва унинг тасарруфидаги МТМлар томонидан ижро этилган юқори ташкилот ҳужжатлари, фуқороларнинг хат, ариза ва шикоятларини қабул қилиб, бўлим мудири кўрсатмасига кўра назоратдан чиқаришни ташкил этиш;

й) бўлим  ҳужжатлари учун мўлжалланган бланкалар рўйхатини қаътий назоратини юритиш;

к) бўлим томонидан тасдиқланган жадвал асосида фуқоролар қабулини  ташкил этиш ҳамда оғзаки мурожаатлари бўйича тегишли ахборотларни тайёрлаш;

л) бўлим ва мактабгача таълим муассасалари фаолиятида вужудга келадиган доимий муддатда сақланадиган хужжатларни  танлаб олиниши,  ҳисобга олиниши, сақланиши, ишланиш сифатини ва ушбу хужжатларни ўз вақтида худудий давлат архивига топширилишини таъминлаш;

н) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.

 Ахмедова Мархабо Аслановна – шаҳар мактабгача таълим бўлими бош  ҳисобчиси

1. 1. Лавозим вазифалари:

а) Молиялаштириш бўлинмасида умумий раҳбарликни амалга оширади;

б) ҳисоб ва ҳисоблаш ишларида юқори компьютер, технологик усулларни  қўллаш, бухгалтерия ҳисобининг илғор шакллари ва методларини  кенг жорий этади;

в) пул маблағлари, товар-моддий қийматликлар ва асосий воситалар тушумини  тўлиқ ҳисобга олиш, шунингдек уларнинг ҳаракати билан боғлиқ бўлган муаммоларни бухгалтерия ҳисобида ўз вақтида акс эттириш, ишлаб чиқариш ва муомала харажатларини, харажат сметаларини  бажарилишини, маҳсулот сотиб олишни тўғри ҳисобга олиш, қурилиш- монтаж, маҳсулот, иш ва хизматлар таннархини иқтисодий асосланган ҳолда тузади;

г) бўлимнинг ишлаб чиқариш бирликлари, ижарага берилган бино ва хоналарнинг бухгалтерия ҳисоби ва ҳисоботини ташкил этилишини ўрганиш, бухгалтерия ҳисоби, назорат, хисобот, молиявий тахлил масалалари  бўйича ходимлар орасида тушинтириш ишларини олиб боради;

д) дастлабки хужжатлар, бухгалтерия ёзувларига асосан бухгалтерия ҳисоботларини  тўғри тузиш ва уни белгиланган муддатларда тегишли  ташкилотларга  топширади;

е) бухгалтерия хужжатларини бутлигини таъминлаш,расмийлаштириш ва уларни белгиланган тартибда архивга топширади;

ё) камомадларни вужудга келиши ва пул маблағлари ҳамда товар- материал қийматликларни ноқонуний сарфланиши, молия ва хўжалик қонунчилигини бузилишини олдини олиш ишларини амалга оширади;

ж) шаҳар хокимияти, туман мактабгача таълим бўлими Кенгаши ва  ишлаб чиқариш йиғилишларига молиявий –ҳўжалик режалари ва уларни бажарилиши бўйича хужжатлар тақдим этади;

з) мактабгача таълим муассасаларининг  ички имкониятларини ўрганган ҳолда  сармоядан ташқари маблағ топиш йўлларини  излаш ва маркетинг хизматини ташкил қилади;

и) маркетинг хизматига оид хужжатларни ишлаб чиқиш, уларни жойларда тўғри  расмийлаштирилиши ва юритилишини таъминлайди;

й) Бухгалтерия ҳисоби юритилишини таъминлайди. Пул маблағлари, товар – материал қийматликлар ва асосий воситалар тушумини тўлиқ ҳисобга олиш, шунингдек уларнинг ҳаракати билан боғлиқ бўлган муаммоларни бухгалтерия ҳисобида ўз вақтида акс эттиради.

к) Ишлаб чиқариш ва муомала харажатларини, харажат сметаларини бажарилишини, маҳсулот сотишни тўғри ҳисобга олиш, қурилиш монтаж, маҳсулот иш ва хизматлар таннархини иқтисодий асосланган равишда тузади. Белгиланган қоидаларга мувофиқ таълим муассасаларининг хўжалик-молиявий фаолияти натижаларини аниқ ҳисобга олади

л) Давлат бюджетига, ижтимоий суғурта ташкилотларига тўланмаларни капитал қуйилмаларни молиялаштиришга маблағларни тўғри аниқлаб, ўз вақтида ўтказиб бериш, иқтисодий рағбарлантириш ва захира фондларига маблағлар ажратилишини таъминлайди

м) Пул маблағлари, товар-моддий қийматликлар камомади, ўғирликлари бўйича материалларни расмийлаштириш бўйича юридик хизматлар ишида қатнашиш ва тегишли ҳолларда бу материалларни суд ва тергов ташкилотларига бериш ишларини амалга оширади.

н) Бўлимнинг ишлаб чиқариш бирликлари, шунингдек алоҳида баланс ажратилган ишлаб чиқариш ва хўжаликда бухгалтерия ҳисоби ва ҳисоботини ташкил этилишини ўрганиш, бухгалтерия ҳисоби назорат ҳисобот, молиявий таҳлил масалалари бўйича масъул ходимлар орасида тушунтириш ишларини ўтказади.

о) Дастлабки хужжатлар, бухгалтерия ёзувларига асосан бухгалтерия ҳисоботини тузади ва уни белгиланган муддатларда тегишли ташкилотларга топширади.

п) Мактабгача таълим муассасаларининг хўжалик-молиявий фаолиятини (бошқа бўлинмалар ва хизматлар билан биргаликда молиявий таҳлилини амалга оширади, барча турдаги молиявий ҳисоботларни қабул қилади ва юқори ташкилотларга топширади.

р) Алоҳида балансга ажратилган ишлаб чиқариш ва хўжаликларда ўрганиш ва хужжатли тафтишлар ўтказади, уларнинг ишларини яхшилаш бўйича таклифлар тайёрлайди.

с) Бухгалтерия хужжатлари бутлигини таъминлайди, расмийлаштиради ва уларни белгиланган тартибда архивга топширади.

т) Мактабгача Таълим муассасаларининг молиявий, ҳисоб-китоб ва кредит муомалаларини ҳисобга олиш ва бу муомалларнинг қонунийлиги, ўз вақтида тўғри расмийлаштирилиши борасида уларга амалий ва методик ёрдам кўрсатади.

у) Камомадларни вужудга келиши ва пул маблағлари, товар-материал қийматликлари ноқонуний сарфланиши, молия-хўжалик қонунчилиги бузилиши олдини олиш ишларини амалга оширади. Вазирлар Маҳкамасининг 12-сонли  қарори  ижроси бўйича ВМТБ, шаҳар ҳокимлиги ҳамда турли ташкилотлардан келган хатларни назоратдан чиқаради.

х) Ободонлаштириш ишларини такомиллаштиришда фаол иштирок этади.

Шаҳар мактабгача таълими бўлими иқтисодчиси

1. Лавозим вазифалари:

а) халқ  хўжалик  режасини ишлаб чиқиш, бюджет маблағларини режалаштириш,  тасарруфидаги мактабгача  таълим муассасаларини маблағ билан таъминлаш ва уларни сарфланишини назорат қилади;

б) Бошқарув харажатларини режалаштириш, харажатлар сметаси ва штат жадвалларини ишлаб чиқиш, уларни молия органларидан рўйҳатдан ўтказиш, шунингдек, ушбу масалалар бўйича мактабгача таълим бўлимига амалий ва методик ёрдам кўрсатади;

в)  бўлим ва унинг тасарруфидаги  мактабгача таълим муассасаларининг молиявий ва статистик ҳисоботларини қабул қилиш, тахлил қилиш, ҳамда ушбу ҳисоботларни умумлаштирган холда  молия органлари, ва тегишли ташкилотларга тақдим этади;

г) бўлимдан таълим муассасаларига марказлашган ҳолда ажратиладиган маблағларнинг сарфланиши бўйича қаътий назорат ўрнатади;

д) бўлим мутахассисларига мактабгача таълим муассасаларининг молиявий-хўжалик фаолиятига, педагогик  ставкаларнинг тақсимоти каби масалаларга доир меъёрий хужжатларнинг таълим муассасаларига  тўлиқ етиб боришини таъминлаш, мазкур масалалар ҳақида тушунтириш ишлари  ўтказиш, юзага келаётган муаммолардан келиб чиқиб уларга амалий ва методик ёрдам кўрсатади;

е) иқтисодий  ҳисоб –китоб тайёрлаш, болалар, ходимлар контингентининг ўзгариши бўйича истиқболли режалар тузади;

ё)  бўлим Ҳайъат кенгашига ўз йўналиши бўйича  ҳисоботлар тайёрлайди;

ж)  бўлим кесимида мактабгача таълим муассаса ходимларининг тарификация жадвалларинии тўғри тузилганлигини  назорат қилади;

з) Мактабгача таълим муассасаларида бюджетдан ташқари  маблағларни топиш, хизмат кўрсатиш ва сервис соҳасини ривожлантириш бўйича  бўлим мутахассисларига амалий ёрдам  бериш, топилган  маблағлар ҳисобидан педагог ходимлари меҳнатини қўшимча рағбатлантириш ва таълим муассасалари моддий-техника базасини  мустаҳкамлашга йўналтирилишини ташкил этилишини назорат қилади;

и) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилади.

й) Бўлимнинг бошқарув харажатларини режалаштириш, харажатлар сметаси ва штат жадвалларини ишлаб чиқади. Уларни молия органларида рўйхатдан ўтказиш, шунингдек ушбу масалалар бўйича таълим муассасаларига амалий ва методик ёрдам кўрсатади.

к) Таълим муасаасаларининг  молиявий ва статистик ҳисоботларини умумлаштирган ҳолда молия органлари ва тегили ташкилотларга тақдим этади.

л) Тумандаги таълим муассасаларида бюджетдан ташқари маблағларни топиш, хизмат кўрсатиш ва сервис соҳасини ривожлантириш бўйича тизимдаги барча таълим муассасаларига амалий ёрдам бериш топилган маблағлар ҳисобидан педагог ходимлар меҳнатини қўшимча рағбарлантириш ва таълим муассасалари моддий – техника базасини мустаҳкамлашга йўналтиришни ташкил этади.

м) Вазирлар Маҳкамасининг 12-сонли  қарори  ижроси бўйича ВМТБ, шаҳар ҳокимлиги ҳамда турли ташкилотлардан келган хатларни назоратдан чиқаради.

н) Ободонлаштириш ишларини такомиллаштиришда фаол иштирок этади.

о) Ўзбекистон Республикасининг 2019 йил инвестиция дастурини амалга ошириш чора-тадбирлари тўғрисидаги қарорига асосан бўлим ва унинг тасарруфидаги МТМларда биноларни капитал таъмирлаш, реконструкция қилиш, қуриш ишлари олиб борилишини назорат қилади ҳамда қурилиш соҳасига оид хужжатларни расмийлаштиради.

Ушбу йўриқнома талабларига риоя қилмаган ва уни бузган ходимлар меҳнат қонунчилиги ҳамда ички тартиб ва меҳнат қоидаларига асосан жавобгарликка тортилади.

 Изоҳ:Вазифалар бўйича иш тақсимоти ишчи ходим ўзгарганда ҳам ўз кучида қолади.